No esiste mia al momento una grafia
standard par la lengoa Veneta che la sia usada da un numaro
considerevole de utenti.
L'utente medio infati el sembra continuar
a scrivar in
"stile libero" , usando speso simboli alieni ala lengoa
veneta , aberasioni gramaticali , e curiose involusioni ne l'uso dei
ditonghi e dei asenti.
Al contrario , ghe xe varie grafie che
le xe ste' proposte de resente da linguisti e
studiosi nei ani pasadi , par esempio la GVU (Grafia Veneta Unitaria) e
varianti minori come la GYG.
Grafie queste , che nonostante le sia validisime se ciape' par el
loro contenuo tecnico e linguistegoo , no le ga' mia sertamente
avuo un
gran suceso da parte de l'utente medio , ista la loro complesita'
che in alcuni casi la sfocia in bixantinismi desixamente poco afini a un
uso quotidian come par esempio mandar un SMS o scrivar na e-mail.
Prima de l'avento de l'uso de massa de computers e telefonini questo nol
costituia un gran problema par i utenti medi , ma ora che l'uso de
l'e-mail ,dele chat , e de internet xe na cosa scontada e
popolarisima , se pone in primis el problema de impor uno standard uno e
trino che el sia pensa' esplisitamente par un target de utenti de internet
e de telefonia mobile.
Par tuti questi motivi ghemo idea' e implementa' la nova grafia GVS ,
con lo scopo unico de proporla come standard de grafia par uso
telematico (e non).
La versione completa dea GVS se pol lexar online , o esar scarga'
in forma' HTML o PDF :
GVS - Grafia
Veneta
Silvestri
