Mozilla Veneto
Nei ani '90 el browser NETSCAPE el rejava incontrasta' nel mondo internet, ma dopo la disputa legale co Microsoft e l'inclusion de Internet Explorer come componente integra' de Windows la difusion de Netscape ga' avuo un calo vertical e inarestabile , al pari del so valore in borsa..

Dae so ceneri xe nato el proxeto open-source MOZILLA (www.mozilla.org) che el ga' ripreso
in man i sorxenti de Netscape e dopo un longo svilupo el ga' presenta' la Suite Mozilla , el browser Firefox , el mailer Thunderbird , la chat Chatzilla , e altri software minori.

Par numaro de utenti Mozilla xe atualmente el secondo browser al mondo nea piataforma Windows e primo incontrasta' in ambito UNIX.

Esendo un software open-source el pol esar scarica' gratuitamente e modifega' a piacimento in rispeto dee regole de licensa , de copyright , e de distribusion.

A tal proposito questo ne parmete de scrivar plug-in axuntivi o de tradur l'intero software in lengoe (es : Veneto) che no le xe MAI ste' prese in considerasion in software comersali come par esempio Microsoft Internet Explorer , ne' de verghe ecesivi vincoli de copyright , licensa , o distribusion.

Mozilla Veneto e i so autori i se augura quindi de contribuir ativamente ala presevasion dea lengoa Veneta partendo dal strumento pi' usa nee tecnolojie internet osia el Browser.

Non solo quindi preservasion dea lengoa ma anca e soratuto l'introdusion de nove e semplisi regoe de grafia (GVS) pensade apositamente par l'uso ne  l'ambito dea telematica e telecomunicasioni.

El novo browser FIREFOX nei primi mesi del 2005 xe sta' scarga' da 25 milioni de utenti.

In base a sti resenti svilupi e al fato che anca la stesa mozilla.org oramai noa ponta pi' come prodoto prinsipal sula vecia e monolitica Mozilla Suite , ghemo desixo de tradur in primis Firefox 1.0.

In base ai feedbacks risevui par Firefox valuteremo in seguito se tradur anca i rimanenti componenti come Thunderbird , Chatzilla , NVU , e Sunbird.

Chiunque el sia apasiona' a queste tematiche e volese colaborar ativamente (tradusion , web design , publicasioni , etc) el pol contatar i autori tramite email :

marco_silvestri@users.sourceforge.net  ,
 
 
 

     SourceForge           
El sito xe sta' idea' da  Marco Silvestri - (c) 2005 Marco Silvestri
Par qualunque informasion sul sito e sui so contenui se prega de contatar l'autore.